جوزي بعتلي 150 ألف جنيه بالغلط ، فرحت من كل قلبي بس لما قريت الرسالة إللى تحتها اتصدمت صدمة عمرى،..
التحويل اللي شقلب الكيان
الساعة كانت 1143 بالدقيقة والثانية.
منة كانت قاعدة في المطبخ في شقتهم اللي في التجمع، رجلها وارمة من الحمل في الشهر السابع، ومستنية براد الشاي بالجنزبيل يغلي. برة، المطر بتاع القاهرة كان بيخبط في سلك البلكونة زي طوب صغير. في بطنها، بنتها خبطت خبطة جامدة قوي، كأنها هي كمان حاسة إن في مصيبة هتحصل.
فجأة، الموبايل اتهز على الترابيزة.
تم إضافة مبلغ 150000 جنيه إلى حسابكم.
لثانية واحدة، منة غباوتها خلتها تفتكر إن أحمد ربنا هداه وأخيراً حول فلوس أوضة البيبي اللي بقالهم 3 أسابيع بيتخانقوا عليها و فلوس الولادة !
أحمد كان كل يوم يزهقها فى عيشتها الشغل واقف يا منة… الشركة بتقع يا منة… إنتي عاطفية بزيادة ومصاريفك كترت، والعيال مش بتحتاج كل الهيصة دي!
لكن الصدمة مكنتش في الفلوس… الصدمة كانت في الملاحظة اللي مكتوبة تحت التحويل
عشانك يا نيرمين يا قلبى وعلشان ابننا اللى جاى … بحبك.
الدنيا لفت بمنة، والمطبخ كله مال بيها. ودبّت في بطنها سكاكين. بنتها حركتها زادت، وده اللي وجعها بجد؛
إن بنتها بتكبر في بيت مبني على كدبة كبيرة.
جوزها متجوز بنت خالته نيرمين فى السر
و كمان حامل منه ؟!
بس منة مصرية أصيلة، افتكرت كلمة أمها الله يرحمها الست المكسورة تعيط بعدين يا منة… أول حاجة تعملها، تلم ورقها وتأمن نفسها.
منة مصوتتش ، ولا عيطت و مكسرتش الموبايل. خدت سكرين شوت فوراً، بعتتها على إيميلها، ونزلت إيصال البنك، وسيفت كل حاجة مرتين وتلاتة. قفلت براد الشاي، وقعدت تستناه.
أحمد رجع البيت على الساعة واحدة بالليل. ريحته قالبه الدنيا بريحة برفيوم غالي ومستكة. قلع الجاكيت بتاعه بنفخة كأنه كان بيحارب في أكتوبر وجاي هلكان.
بص لمنة وهي قاعدة على سفرة الصالون وقال بنبرة قرفانة لسة صاحية؟ طبعاً دراما الحمل المعتادة.
مش قلتلك بلاش أكل مسبك بالليل؟
منة قامت، ضهرها بيترعش ورجلها تقيلة، بس قلبها كان أبرد من التلج أحمد، العملاء اخبارهم إيه في الشركة ؟
صب لنفسه كوباية مياه مشبر من الكولمان وقال طحن! عملاء وملايين وضغط دم… عشان كده بقولك خفي عليا مصاريف شوية، أنا بجيب جاز عشان أأمن مستقبلنا.
منة كانت هتمـ,ـوت وتضحك في وشه. آخره؟ 150 ألف جنيه لسبوع ابن واحدة تانية!
قالتله بكل هدوء تمام يا حبيبي… ادخل اِرتَاح.
أحمد بصلها باستغراب، كان متوقع خناقة على سهر برة أو على فلوس الأوضة، بس هي مدتهوش الهوا.
لا دموع، لا أسئلة، ولا حتى نظرة عتاب.
تاني يوم الصبح، وأحمد في الحمام، موبايله نور على الكومودينو. منة ملمستش الموبايل، هي خلاص مابقتش الست الشكاكة، هي بقت وكيل نيابة بيقفل قضية.
الرسالة كانت واضحة وصريحة من نيرمين
يا بيبي، إنت بعت الفلوس على حساب مراتك بالغلَط امبارح! هي مقالتش حاجة؟ أنا هتمـ,ـوت من الضحك وأنا بتتخيل شكلها لما شافت الرقم.
وفجأة وراها رسالة تانية
افتكِر، حجز قاعة الموفنبيك لازم يتدفع النهاردة. ومامتك قالتلي إنها هتقنع منة تمضي على التنازل بتاع شقة أكتوبر أول ما تولد.
هنا بقى الأرض اتهدت بجد تحت رجلين منة.
الموضوع مش مجرد جوازة أو ست تانية… دي مؤامرة من العيلة كلها!
افتكرت كلام حماتها، الحاجة شادية، وهي بتسقيلها الشاي بالياسمين وبتقولها بنبرة حنينة مسمومة يا بنتي إحنا لازم نظبط ورق الشقة قبل الولادة، إنتي متعرفيش في القانون وأحمد شغله بيكبر ومحتاج يتحرك بالورق… اخلصي بس وأنا هخلي المحامي يظبطلك كل حاجة.
ده هما كانوا واخدينها مرتين قبل كده لمحامي في مصر الجديدة، ومنة كانت بتحس بنغزة في قلبها وترفض تمضي!
يعنى كمان عايزين يبيعونى الشقه بتاعتى!!!!!
أحمد نزل من هنا، ومنة جرت على الدولاب. طلعت علبة مستخبية ورا اللحاف.
العلبة دي كان فيها تاريخ أحمد الأسود فواتير، كشوف حسابات قديمة، تحويلات لأخت أحمد بحجة سلف زنقة، وفواتير فيزا لمشاوير في محلات لبس أطفال ماركات وهي عمرها ما شافت قطعت قماش منها!
أحمد وأمه كانوا دايماً يحسسوها إنها مهملة، مسرفة، وإنها عايشة في خير ابنهم وهي يادوب بتشتغل مصممة ديكور أونلاين من البيت بقرشين.
بس الحقيقة المرة؟ منة هي اللي كانت بتدفع تمن الأكل والشرب، ووصلات النور، والأهم من كل ده… إن فلوس ورث أبوها الله يرحمه هي اللي كانت مقدم شقة التجمع والورق الأصلي مكتوب باسمها!
هما افتكروها هبلة، بس منة كانت بتقرأ حتى الشروط اللي بخط صغير في ضهر العقود.
الساعة 12 الظهر، منة كانت قاعدة مع نورا صاحبتها ومحاميتها في كافيه في المعادي. نورا كانت من الستات اللابسة أسود في أسود، لاب توب على الترابيزة، وعيون غربال شافت بلاوي ومشاكل أحوال شخصية تشيب.
منة رصت كل حاجة التحويل، الرسائل، كشوف الحساب، وفواتير علبة الجزمة. نيرمين مقاطعتهاش ولا مرة. ولما خلصت، قفلت اللاب توب براحة وقالتلها بصوت فاحم
منة… دى مش مجرد كذبة. ده نصب عيني عينك، واستغلال مالي، ومحاولة سرقة وتسهيل استيلاء على ممتلكاتك.
منة بطنها وجعتها أعمل إيه؟
نورا ابتسمت ابتسامة ثقة قدامهم؟ ولا الهوا. هتفضلي الست التعبانة، الحامل، المغفلة اللي بتهز رأسها. بس من وراهم… من النهاردة هنفصل الحسابات، نغير الباسوردات، ونلغي أي توكيل. وأهم حاجة، أحمد معاه فيزا مشتريات إضافية
باسمك، صح؟
آه.
تتلغي النهاردة قبل بكرة.
بس هيعرف!
نورا ضحكت خليه يعرف وهو واقف قدام المحل ومش عارف يدفع تمن البالونات الهيليوم بتاعة نيرمين.
وبالفعل، منة كلمت البنك. لغت الفيزا، غيرت الباسوردات، وطلبت كشف حساب لسنة كاملة لورا.
على الساعة 6 المغرب، أحمد اتصل 5 مرات ميردتش. بعت رسالة الفيزا اتوقفت ليه؟.. وراها ردي عليا اخلصي!.. وراها أنا في موقف زفت قدام الناس، بلاش جنان حريم!
منة كبرت دماغها للمكالمات وسابت الموبايل.
الساعة 8 رجع البيت طارق الباب ووشه جايب ألوان إنتي اللي وقفتي الفيزا؟
منة كانت قاعدة بكل برود بتطبق هدوم البيبي… سالوبيت أصفر، طاقية بيضاء، شراب قد كف الإيد كان هيخلي دموعها تنزل بس حبستها.
قالتله آه أنا.
ليه إن شاء الله؟
عشان الفيزا دي باسمي أنا وبفلوسي أنا.
وشه اتقلب إحنا في بيننا الكلام ده؟ إحنا متجوزين!
فعلاً… كنا.
إنتي خليتي شكلي زي الزفت قدام الموردين وبتاع القاعة!
منة بصتله وقالت يا حرام… زعلتني.
أحمد تنح، حس إن الست اللي قدامه دي مش منة اللي بيزعقلها فتعيط وتستسمحه. قالها بتهديد منة… بلاش تلعبي معايا.
ردت وهي بتطبق آخر قطعة أنا مبلعبش يا أحمد.
اتخانق معاها و سابها و مشى ..
تاني يوم كان ميعاد الغدا الرسمي في بيت الحاجة شادية في مصر الجديدة. منة مكنتش قادرة تروح، بس نورا المحامية قالتلها روحي… وسجلي كل كلمة. الناس المغرورة دي لما بتحس إنها انتصرت، لسانها بيفلت وبتقول بلاوي.
منة لبست سوت كحلي واسعة، دارت الهالات السوداء تحت عينها بالكونسيلر، ودخلت بيت حماتها ببطنها المنفوخة… كأنها داخلة حرب من غير سيف، بس بمسجل صوت شغال في شنطتها.
الحاجة شادية استقبلتها ببوسة في الهواء أهلاً يا منة يا بنتي… ياه، إنتي ورمتي قوي كده ليه؟ الدكتور قالك كله تمام؟
الحمد لله يا ماما.
على السفرة كان قاعد إخوات أحمد، وحماه اللي نايم على روحه، وفي كرسي فاضي ومحدش فسر وجوده… لحد ما الباب خبط ودخلت نيرمين.
هيلز بيج، فستان أبيض ضيق، شعر معمول سشوار وويفي، وفي إيدها غويشة دهب منة كانت لسة شبايفاها في ستوري إنستغرام وأحمد حاطط إيده على أيدها و هو مفكر انى مش عارفه أنه هو اللى معاها.
دخلت نيرمين وكأن الشقة شقتها سوري يا جماعة اتأخرت، زحمة صلاح سالم صعبة قوي.
منة مرمشتش. أحمد وشه بقى زي الليمونة المخللة وقال بسرعة نيرمين بنت خالتى جاية عشان في مشروع مشترك في الشركة وبنخلصه.
منة ردت آه، أهلاً وسهلاً.
الحاجة شادية ضحكت بصفار اهلا يا نيرمين يا حبيبتي الحمل خلاكى احلى و اجمل .
نيرمين قعدت قصاد منة، وبصت لبطنها بقرف مستخبي مبروك يا حبيبتي… خلاص هانت وتولدي؟
منة ردت ببرود قـ,ـاتل آه الحمد لله… وعقبالك، إنتي في الكام بقى؟
ضحكت نيرمين اتمسحت. أحمد شرِق وهو بيشرب. الحاجة شادية خبطت بالمعلقة على الطبق منة! بلاش حركاتك دي على الأكل.
منة قالت أنا بسأل عادي يا طنط.
طول الغدا وهما بيتكلموا في الفلوس كأن منة دي كرسي محطوط.
أحمد يقول في تغييرات كبيرة وتطوير في الشركة الأسبوع الجاي، والحاجة شادية تلقح كلام أصل الست الذكية هي اللي متسيبش جوزها يطير وتاخد بالها من بيتها وبس، وميرنا بتشرب ليمون بالنعناع وبتتبسم.
بعد الأكل، الحاجة شادية طلعت دوسيه بيج من درج البوفيه بصي بقى يا منة يا حبيبتي، أنا جبت الورق ده من الأستاذ مدحت المحامي. أمضي عليه دلوقتي عشان تخلصي، بعد الولادة هتكوني تعبانة ومش فاضية للورق والمحاكم.
منة بصت للدوسيه وقالت ورق إيه ده؟
أحمد مسك إيدها من تحت الترابيزة وضغط عليها جامد لدرجة وجعتها الورق اللي اتفقنا عليه يا منة.
منة شالت إيدها إحنا متفقناش على حاجة.
أحمد كز على سنانه وابتسم بالعافية منة… بلاش فضايح.
نيرمين تدخلت بصوت كله سهوكة متخافيش يا منة، أحمد بس عاوز يؤمن أملاك العيلة.
أملاك العيلة؟ شقتي؟ ومقدم فلوس أبويا؟ وشقايا اللي بدفعه في مصاريف البيت وهو بيبني بيه مجد لوحدة تانية؟
منة خدت نفس عميق زي ما صاحبتها علمتها وقالت تمام… هخده أقراه في البيت.
الحاجة شادية زعقت لا يا حبيبتي! المحامي مستني التوكيل بكرة الصبح، امضي بس على الإقرار ده دلوقتي.
زقت ورقة قدامها.
منة مسكت القلم وبصت في الورقة… ده مكنش مجرد ورق شقة، ده كان توكيل رسمي عام شامل وبأثر رجعي! يمنح أحمد الحق في البيع والشراء والتنازل عن أي حاجة باسم منة من غير ما يرجع لها!
بنتها خبطت في بطنها تاني كأنها بتقولها لأ!.